LAOAG CITY –Imbilin ni Italy Culture Minister Allesandro Giuli a maiyalud-od ti temporario a pannakairikep ti maysa a madaydayaw a Colloseum iti Italy, tapno ipaayan respeto ti natay nga empleado.
Naamoan a natinnag ti agtawen 22 a technician iti sangapulo a kadapan bayat nga isilsilpona ti baro a lighting system iti uneg ti ancient Roma arena.
Segun iti Italian Culture Minister, nakigtot dagitoy iti kellaat a pannakatinnag ti empleado. Agtalinaed a nakarikep ti paset ti second tier ti Colossuem Archeological Park no sadinno a napasamak ti insidente.
Ti nasao a museum ket maysa a madaydayaw a tourist attraction ken kadakkelan nga amphitheater iti Roman Empire ti Colosseum.
Naestablisar daytoy iti agarup 2,000 a tawenen no sadinno a daytoy ti nagserbi kas lugar ti selebrasion ti gladiator fights, execution, ken animal hunt.
