LAOAG CITY – Balligi iti pannakaiwayat iti Comedia Ilo-Ilocano kas paset pay laeng iti Pamulinawen Festival ditoy ciudad ti Laoag.
Agkakalaing nga estudiante manipud iti MMSU-College of Teacher Education (CTE) iti nangipakita ti laing ken talento da ti panagarte babaen kadagiti nagduduma a characters ken ti tradisyonal a nagkakauna a pannakaipabuya ti comedy.
Mainaig iti daytoy, kuna ti lokal a gobierno nga adda iti pammati dagiti nagkakauna a ti comedia Ilo-Ilocana ti mangipaay ti panagdur-as ken napintas a turungen ti ciudad, isut gapuna a nagbalinen a maysa daytoy nga highlights ti fiesta.
Innayon iti lokal a gobierno a babaen iti daytoy ket maasa dagiti talento dagiti ubbing iti panagarte ken ad-adda a maitandudo iti comedia.
