LAOAG CITY – Adda ti motu propio power ti Commission on Elections (Comelec) tapno kanselaren ti certificate of candidacy (COC) dagiti aspirants para iti 2025 midterm elections.
Daytoy ti inpetteng ni Commission on Election Chairman George Garcia.
Inaramid daytoy ni Garcia kabayatan ti panangrebisar ti Comelec law department iti listaan kadagiti agkandidato iti nagduduma a posisyon nga addaan ti perpetual disqualification iti panagiggem iti aniaman a posisyon iti gobierno manipod iti Ombudsman.
Segun ken ni Garcia, adda ti listaan iti law department ti poll body kadagiti agkalikagom nga agkandidato a napatawan ti perpetual disqualification ti Ombudsman.
Nupay kasta, kuna ni Garcia a no makaala ti temporary restraining order manipod iti Court of Appeals ket mabalin a malapdan.
Innayon ni Garcia nga addan ti lima a petisyon a naawat ti Commission on Election a kalikagom a mapakanselar ti Certificate of Candidacy na ngem dagitoy ket agpapada a kayat da ti agpaidasig iti lokal a posisyon.
