LAOAG CITY – Binalakadan ti Commission on Election (COMELEC) ti gobyerno nga ipatungpal laengen ti proyekto a P20 iti kada kilo ti kalpasan ti Mayo 12 midterm election.
Segun ken ni Comelec Chairman George Garcia, daytoy ket tapno maliklikan ti alegasyon nga adda ti maris pulitika na ti nasao a proyekto.
Inlawlawag na a pinalubusan da laeng ti exemption ti Department of Agriculture (DA) kas suporta iti P20-kilo rice program.
Nupay kasta, kuna na a dagiti local government units a mangipatungpal iti nasao a programa ket sakopen ti 10-day ban a panagibunong iti aniaman a klase ti ayuda ken social assistance.
Innayon na a mabalin laeng nga ilako kadagiti KADIWA stores gapu ta saan da a karaman iti 10-day ban.
