LAOAG CITY – Naawaten ni Mayor Nicko dela Cruz iti ili a Bacarra ti disisyon ti COMELEC First divison.
Daytoy ket pakaseknan iti daydi inpila ni Mrs. Agustina Velasco a kinasupangil na nga “election protest” itay napalabas a 2016 election.
Kuna ni dela Cruz a naawat na idi pay aldaw ti biyernes ti disisyon ti Comelec a mangibagbaga a “lack of merit” ken “wrong mode” ti naipila a reklamo.
Gapu iti daytoy, maragsakan ti Mayor gapu ta timpuar met laeng ti kinapudno seknan iti alegasyon da kontra kenkuana a nangkontraan da idi iti panagpaidasig na.
Nalagip ti Mayor a naruay pay ketdi a senior citizen ti naiyaw-awan idi election gapu iti nasao a reklamo.
Binalakadan ni dela Cruz dagiti nagpila ti reklamo a mabalin da nga ingato ti reklamo da no saan da a kuntento ti desisyon ti COMELEC.
Maipalagip a namunganay ti naipila nga “election protest” kontra ken ni dela Cruz kalpasan a nakuwestionaran ti termino na a Mayor ti Bacarra gapu ta ibagbaga da a nalpasen ti termino na idi naapointaran iti nasao a posiyon kalpasan a pinapatay da ni Mayor Philip Velasco.
