LAOAG CITY – Umabot iti 11 a tattao ti natay kalpasan ti iraraot dagiti armado a lallaki iti picnic spot no sadinno a pinuntirya da dagiti sibilyan iti western Afghanistan.
Basar iti report, uppat dagiti pimmusay a dagus iti napasamak a panagraot iti Enjil district ti Herat province idinto a dagiti pito a sabsabali dagiti natay kabayatan a maag-agasan da iti ospital gapu kadagiti nakana a sinagaba da a sugat.
Agpapan maisursurat daytoy a damag ket awan pay ti grupo a nangadmitir iti napasamak a panagraot iti lugar.
Naamoan a dagiti suspek ket naglugan da ti motorsiklo a napan rimmaot iti Deh Mehri village.
