LAOAG CITY – Natay ti tallo nga indibidual pakairamanan dagiti dua nga ubbing kalpasan a nagaburan dagitoy ti daga iti pagtaenganda gapu iti agtultuloy a panagtudo iti Barangay Pulangbato, idiay Cebu.

Iti inwayat a search and rescue ope­ration dagiti otoridad, nakita dagiti bangkay dagiti dua nga ubbing a lallaki nga agtawen 5 ken 6 ken maysa a senior citizen manipud iti nagaburan a pagtaengan.

Basar iti imbestigasion, rumrumuar a na-trap dagiti biktima idi napasamak ti insidente iti Sitio Riverside.

Kabayatanna, nakalasat met iti insidente ken naitaray dagiti emergency responders ti ina ti natay nga ubing nga agtawen ti lima.