LAOAG CITY – Ginutigot ti Commission on Elections (Comelec) ti publiko nga i-scrutinize ti Statement of Contributions and Expenditures (SOCE) dagiti kandidato para iti May 2025 Midterm election.
Inlawlawang ni Commission on Election Chairman George Erwin Garcia a masapol a makita dagiti tattao ti Statement of Contributions and Expenditures dagiti kandidato tapno maamoan no usto dagiti inreport da wenno adda ti saan da a naireport a ginastos da kabayatan ti election period.
Inpaganetget pay ni Garcia a saan laeng a ti Commission on Election ti rumbeng a mangcounter-check dagiti nagastos dagiti kandidato no di ket uray ti publiko.
Nupay kasta, inadmitir ni Garcia a ti Statement of Contributions and Expenditures ket addaan ti limitasyon gapu ta ti laeng masakupan dagiti nagastos ket bayat iti campaign period nga agpaot laeng iti dua agingga iti tallo a bolan.
Kuna ni Garcia a saan a mairaman dagiti nagastos dagiti kandidato kabayatan ti panagpilaan ti kandidatura manipod Oktubre 1 agingga iti 8 kas nailanad iti pagannurutan iti Korte Suprema.
