LAOAG CITY – Inpakaammo ni Atty. Julius Balbas, mangidadaulo iti Commission on Elections ditoy siudad ti Laoag nga awan kadagiti person deprived of liberty ti nagparehistro ita a tawen para iti umay a 2025 midterm elections.
Kinunana a ti opisinada ti mismo a nagturong iti Bureau of Jail Management and Penology ditoy siudad ngem awan ti nag-avail iti Voters Registration Program nga insayangkatda.
Nupay kasta, innayonna a dagiti laeng dati a 21 a balud ti nagpalista ken saanna pay maipasigurado daytoy gapu ta adda dagiti nakaruaren iti pagbaludan. Kabayatanna, adda ti resulosion a maipanggep iti Persons Deprived of Liberty Voting.
