LAOAG CITY – Inpalagip ni Atty. Julius Balbas, election officer iti Comelec ditoy ciudad ti Laoag a mangrugin ti Election period mangrugi intono Enero 13 agingga iti Hunyo 12, 2019.
Inbatad na a mangrugi ti campaign period kadagiti agpaidasig a para senador ken party-list groups intono Pebrero 12, 2019 agingga iti Mayo 11, 2019.
Mangrugi met ti kampanya dagiti agpaidasig a para kongresista, regional, provincial, city ken municipal offices intono Marso 30 agingga iti May 11, 2019 gapu ta maiyuswat ti eleksyon iti Mayo 13.
Kabayatanna, kuna ni Balbas nga addan to ti Special Board of Election Inspectors a mangkita ti panagbotos dagiti adda iti uneg ti pagbaludan.
Innayon na a manamnama nga intono Marso wenno Abril ti panagtraining dagiti maseknan tapno mailawlawag no kasanu ti panagbotos da kadagiti balud ditoy probinsya.
