LAOAG CITY – Kalikagom a ma-neutralize ni Commission on Elections (Comelec) Chairman George Garcia dagiti private armed groups iti pagilian sakbay ti 2025 national and local elections.
Daytoy ket kalpasan a kiniddaw ni Interior Secretary Jonvic Remulla a mangiparuk-at a nasapsapa ti pammilin iti nailian a pulisya iti Central Luzon tapno i-dismantle dagiti armado a grupo a mabalin a makalapped iti kapia ken kinatalged iti rehiyon.
Inbilin met ni Presidente Ferdinand “Bongbong” Marcos Jr. iti ahensya ti pagsayaatan ken seguridad dagiti kandidato ken publiko para iti mapaspasangasangan nga eleksyon.
Para ken ni Garcia, nagtalinaed a prayoridad ti Commission on Election dagiti botante ken inpaganetget na a saan a rumbeng a piliten wenno butbutngen nga agbotos dagiti tattao para iti maysa a partikular a kandidato.
Kabayatanna, naka-schedule ti campaign period para iti senatorial candidate ken party-list groups intono Pebrero 11 iti sumaruno a tawen idinto a ti campaign period para kadagiti kandidato ti kamara de representantes, parliamentary, provincial, city ken municipal elections iti ken intono Marso 28 agingga iti Mayo 1, 2025.
