LAOAG CITY – Nagpirma ti katulagan ti Comelec para iti International Certification Entity (ICE) nga isu ti mangtutok iti programa ken dagiti addang ti komision para iti panagsagsagana ti 2025 midterm elections.
Nadakamat a maaddaan ti international certification ket maiyataday iti automation law ken mangpatibker ti kredibilidad ti eleksion.
Inadmitir met ni Comelec Chairman George Erwin Garcia nga ikarkarigatanda a madanon ti iskedyul dagiti kasapulan a mock elections.
Gagem ti trial elections a maammoan dagiti paset ti panagsagsagana ti kasapulan pay nga adjustment.
Naammoan a sumagmamano kadagiti mock elections ket inton sumaruno a tawen a manamnama ti presensia ti local ken foreign observers.
