LAOAG CITY – Naiget nga ipawil ti Commission on Elections ti panagpamakan wenno panagpainom kadagiti indibidwal a makipartisipar ti panagkampanya dagiti kandidato ita a Midterm elections.
Daytoy ti inbatad ni Atty Julius Balbas, ti Comelec officer ditoy ciudad ti Laoag.
Kunana a dagitoy nga addang ket nakaipalaon iti Omnibus election code gapo ta maibilang daytoy kas maysa a porma ti vote buying.
Inlawlawag na nga aniaman a banag nga addaan ti gatad wenno balor a maipaay kadagiti botante babaen kadagiti kandidato kas kadagiti maiwayat a kampanya ket saan nga ipalubos ti nasao nga ahensiya.
Mainaig iti daytoy, inpalgak na nga adda ti “Committee kontra-bigay” a bukbuklen ti Commission on Elections, Philippine National Police ken dadduma pay nga stakeholders tapno agbantay kabayatan ti kampanya.
