LAOAG CITY – Nakaimprentan ti Commission on Elections (Comelec) ti nasurok a 17 a milyon a balota para iti 2025 elections.
Daytoy ti inpakaammo ni Commission on Election Chairman George Erwin Garcia.
Kuna ni Garcia a ti nasao a bilang ket 24.07 percent manipod iti pakabuklan a 72,107,420 a balota a kasapulan a maimprenta da.
Inpakaammo pay ni Garcia a ti HP printers ket nakaimprentan ti 9,008,136 a balota, daytoy ket paset iti pinirmaan a katulagan iti nagbaetan ti Miru Systems kas automated election systems provider ti ahensya.
Kabayatanna, nakaimprenta metten ti Canon printers manipod iti National Printing Office (NPO) ti 8,348,675 a balota.
Target ti Comelec a makaimprenta ti nasurok a 1.5 milyon a balota iti kada aldaw.
