LAOAG CITY – Nagpalagip ti Commission on Elections kadagiti nagpaidasig a kandidato nga agisubmitir ti Statement of Contributions and Expenditures wenno SOCE dagitoy.
Inbatad ni Commission on Elections chairman George Garcia, amin a kandidato nangabak man wenno saan ket nasken nga agisubmitir ti Statement of Contributions and Expenditures agingga inton Hunio 11.
Inlawlawagna a ti saan a makaisubmitir ti Statement of Contributions and Expenditures iti naikeddeng a panawen ket saan a makatugaw iti opisina dagitoy.
Iti nasao nga Statement of Contributions and Expenditures ket makita ti pakabuklan a gastos ti kandidato iti panagkampania pakairamanan dagiti amin a kontribusion ken donasion a naawat.
Naammoan nga amin a dokumento ket nasken ipa-notario ken ti panangpeke daytoy ket mabalinda a makasoan ti perjury idinto a dagiti campaign fund a saan a nagastos ket mabalin nga ideklarar ken i-report iti Bureau of Internal Revenue para iti pannakaiproseso ti buis daytoy.
