LAOAG CITY – Posible nga ituloy ti Commission on Elections ti national voter registration inton Oktubre gapu iti manamnama a pannakaitantan ti Barangay ken Sangguniang Kabataan Elections (BSKE) ita a tawen.
Inbatad ni Commission on Elections Chairman George Garcia a no maitantan ti eleksion inton Disiembre 1 ken agbalin a Nobiembre 2026 ket rugianda ti panagparehistro kalpasan ti Bangsamoro Parliamentary Election.
Ibilangna daytoy a kaatiddogan a voter registration manipud idi Oktubre 2025 agingga iti Hulio 2026.
Maipalagip nga inabisoanen ti Malacañang ti Commission on Elections a naikeddeng a pirmaan ni Presidente Ferdinand Marcos Jr. inton Agosto 12 ti gakat a panangitantan iti eleksion.
