LAOAG CITY – Inekspektar ti Comission on Election Laoag Local Office nga adda maawat da a signature sheets seknan iti people’s initiative.
Segun ken ni Atty. Julius Balbas, sakbay ti rakurak ti commission on election a maisardeng ti panag-validate da kadagitoy ket awan met ti naawat da a report seknan iti people’s initiative.
Inadmitir met ni Balbas a no saan a maisardeng daytoy ket marigatan da a mangigiddan iti pannaka-iyuswat ti voter’s registration a mangrugi inton Pebrero 12.
Kinuna a saggaysa ti panagvalidate da tapno makita da no pirma da met laeng dagitoy wenno saan.
Maipalagip nga immunan nga inrakurak ti Commission on Election Chairman George Garcia nga adda dagiti signature sheet a naited kadagiti local offices iti Commission on Elections nga in-validate da ngem temporario nga insardeng da gapu ta masapol nga adalen ti pagannurutan seknan iti daytoy.
