LAOAG CITY – Mangnamnama ni Mrs. Jennifer Frances Gapuzan, Community Affairs Officer II ditoy ciudad ti Laoag a manayunan ti traffic enforcers ditoy ciudad.
Daytoy ket tapno ad-addo dagiti katulungan da a mangkita iti trapiko pakairamanan ti panagsita kadagiti agparparking kadagiti saan nga umiso a lugar a pagparkingan.
Inbatadna nga iti agdama ket adda ti 30 a traffic enforcers ditoy ciudad ken magudua dagitoy nga agduty.
Kunana a saan met a ti kinakurang dagiti traffic enforcers ti problema no diket ti kado a luglugan ditoy ciudad a saan a sumursurot kadagiti pagganurutan kas ti panagparking iti saan nga umiso a lugar.
Mainaig iti daytoy, kunana nga ado pay dagiti maisyuan ti ticket ken mangitunda laeng iti nairot a trapiko.
