LAOAG CITY – Naggiikkis dagiti tattao iti lawlaw ti Sistine chapel iti napalalo a ragsakda kalpasan a rimuar ti puraw nga asok manipod iti chimney.
Senyales daytoy a nakapilin ti 133 a cardinals ti baro a Santo Papa a kasukat ti pimmusay a ni Pope Francis.
Kagiddan iti daytoy ket nabatingting ti kampana iti lawlaw ti Vatican.
Daytoy ti maikatlo a gundaway a nagbotos dagiti cardinals ken nakaala da ti two-thirds majority tapno maelektaran ti baro a lider ti nasurok a 1.4 bilyon a Katolika iti intero a lubong.
Rimuar ti puraw nga asok iti oras ti alas-12:20 iti parbangon oras iti Pilipinas.
