LAOAG CITY – Awan pay ti pakaammo ni dati nga House Speaker Martin Romualdez no inton ano a sumango manen iti panagdengngeg ti Independent Commission for Infrastructure (ICI).
Inbatad ni Independent Commission for Infrastructure Executive Director Atty. Brian Keith Hosaka, awan pay ti abiso iti Komision ni Romualdez kalpasan a nagkiddaw daytoy ti reset para iti pannakaipadalanna iti medical procedure.
Inlawlawagna nga uray ni dati a Public Works Sec. Roberto Bernardo ket awan pay ti nalawag no inton ano met nga agatendar manen iti panagdengeg ti Independent Commission for Infrastructure.
Innayonna nga iti agdama ket ipangpangrunada pay laeng ti panangbukel dagiti pagannurotan iti maisayangkat a live streaming ti hearing.
