LAOAG CITY – Personal nga inawat ni Congressman Sandro Marcos ti certificate of commendation manipod iti konseho ditoy ciudad ti Laoag babaen ti maysa a resolusyon nga inpasa ti 13th Sang Panlungsod.
Ti author iti nasao a resolusyon ket ni Konsehal Rbee Ablan.
Inpayaan ti konseho ditoy ciudad ti Laoag ti certificate of Commendation ti nasao a kongresista para iti baro a role na kas House Majority Leader iti 20th Congress.
Inbatad ti konseho a ti pannakapili ni Congressman Marcos kas house majority leader ket nakaaramid iti pakasaritaan wenno pannakabibig iti Philippine legislative.
Malaksid iti daytoy, ti pannakapili ni Marcos para iti nasao a posisyon ket mangipanenek iti kinalaing na a mangidaulo, dedikasyon ken naisangsangayan a serbisyo kadagiti umili, saan laeng a ditoy probinsia no di ket iti intero a pagilian.
Kabayatanna, mangnamnama ni Presiding officer/Vice mayor Carlos Farinas nga agbalinto met a presidente ti nasao a kongresista a kas iti lolo ken ti ama na a ni Presidente Ferdinand Marcos Jr.
