Pinakdaaran ni House Deputy Majority Leader ken dati a health secretary a ni Janette Garin ti publiko maikontra iti panagusar iti vape gapu ta ti napaut a panagusar ket mabalin nga agtungpal iti ipapatay.
Inaramid ni Garin ti statement kalpasan ti report ti Department of Health (DOH) maipapan iti ipapatay ti agtawen 22 a lalaki mainaig iti vape.
Segun iti Department of Health, pimmusay ti agtawen 22 a lalaki gapu iti atake ti puso kalpasan ti nakaro a pannakadadael ti barana ken dua a tawenen nga agus-usar ti lalaki iti vape.
Intudo ti Iloilo First District Representative a ti vaping ket saan nga alternatibo iti panagsigarilio ken saan a nataltalged nga usaren.
Innayonna a dagiti agus-usar iti vape ket mabalin a pakaigapuan ti medical condition a maawagan iti e-cigarette, wenno vaping, product use associated lung injury wenno EVALUATION.
Segun iti Yale Medicine, ti EVALI ket nakaro a medikal a kasasaad a madadael ti bara ti maysa a tao gapu kadagiti substansia a linaon dagiti e-cigarette ken produkto ti vaping.
Kabayatanna, inpalgak ti Global Youth Tobacco Survey nga agarup maysa iti kada pito nga agtutubo, nga agtawen iti 13 agingga iti 15, ti agus-usar itan iti vape.
