LAOAG CITY – Nagtalinaed iti Mariano Marcos Memorial Hospital and Medical Center idiay ciudad ti Batac ti maysa a construction worker kalpasan a binagkong ti pada na a construction worker iti uneg ti construction site idiay Brgy. 19 A iti ili a Bacarra.
Nabigbig ti biktima a ni Michael Pablo, 24, naasawaan ken tubo idiay Marag Valley, Apayao idinto a ti suspek ket ni Julio dela Cruz, 44, baro, ken tubo iti Brgy. 3 Naguillian, Camiguin Island, Calayan, Cagayan.
Basar ti imbestigasyon ti PNP Bacarra, adda ti nabara a riri ti biktima ken suspek a nangitunda iti panangbagkong ni dela Cruz kenni Pablo babaen ti kutsilyo.
Nagsagaba ti biktima ti dua a sugat ti biktima rason a naitaray iti Bacarra Medical Center ngem naiyakar iti MMMHMC.
Naamoan nga adda iti impluwensya ti nasanger dagiti dua.
Kabayatanna, inadmitir ni dela Cruz a binagkong na ni Pablo gapu iti riri da panggep iti trabaho.
Kunana a kinabil nga ummuna ti biktima ti suspek rason iti panangala ni dela Cruz ti kusilyo a pinangbakong na kenni Pablo.
