LAOAG CITY – Mapilaan ti agsusukot a kaso ti maysa a construction worker kalpasan ti maipagarup a panangrames na ti babai nga agtawen ti 15.
Daytoy ti kinumpirmaran ni Police Captain Joseph Tayaban, hepe ti PNP Badoc.
Kuna na a ti suspek ket agtawen ti 30, ken agnanaed iti ili ti Pinili idinto ti biktima ket agnanaed iti ili ti Badoc.
Segun kenni Tayaban, adda ti nagreport kadakuada kalpasan a nakita ti ikit ti biktima ti suspek a lablabusan na ti balasitang iti uneg ti pagtaengan da.
Bayat iti kaadda da iti police station, kuna ni Tayaban a nagsarita ti biktima ken nabigbig na ti suspek rason a dagus a nakikoordinar da iti PNP Pinili ken natiliw ti suspek iti pagtaengan na.
Naamuan ni Tayaban nga immuna a narames ti biktima idi Disyembre 5 iti agarup alas-onse ti rabii.
Innayon ni Tayaban a naipila ti reklamo nga Acts of Lasciviousness mainaig iti RA 7610, Trespass to dwelling, ken panaglabsing iti RA 8353 wenno rape kontra ti suspek.
