LAOAG CITY – Kinumpirmaran ni Police Captain Joseph Tayaban, hepe ti PNP Badoc a napasamak ti nakana nga aksidente iti Brgy. Sta. Cruz Norte iti ili ti Badoc.
Binigbig ni Tayaban ti biktima a ni Jose Madalipay, construction worker, idinto a ti driver ti trailer truck ket residente iti Pangsinan.
Inlawlawag na a ti trailer truck nga agideldeliver iti softdrink ket agpapaamianan a direksiyon idinto a ni Madalipay a nagiturong ti motorsiklo ket agturong niti abagatan a direksiyon.
Kuna ni Tayaban a ti maipagarup nga immagaw iti linya ti biktima iti sharp curve ti kalsada rason a nadungpar na ti nasao a truck.
Inbatad na a maipagarup nga adda pay iti impluwensya tri nasanger ti biktima iti madesgrasya.
Segun kenni Tayaban, gapu iti pannakaidungpar ti biktima ket naiwarsi daytoy ket rimwar iti nagyan ti ulo na a poon iti insegida nga ipupusay na.
Nupay kasta, naimbitar ti driver ti truck iti PNP Badoc para iti imbestigasyon.
Kabayatanna, inbunannag ni Tayaban a sakbay a nadesgrasya ti biktima ket natumba daytoy iti paset iti Brgy. Garetta gapu ta naggapu iti nagubraan na.
Innayon ni Tayaban a nasken kuma nga agsasarita da iti PNP ti pamilya ti biktima ket ti driver ti truck para iti pannakaurnos ti insidente gapu ta maibilang a ti akin basol ket ti biktima.
