LAOAG CITY – Balligi a natiliw ti maysa a conctruction worker kalpasan ti naiyuswat a drug buybust operation iti Barangay 13 ditoy ciudad ti Laoag.
Nabigbig ti subject ti operasyon a ni Julius Ganal, agtawen ti 30, construction worker, tubo iti Taggat Sur, Claveria, Cagayan ken agnanaed iti Barangay 13 ditoy ciudad.
Nakumpiskar kabayatan ti operasyon ti Provincial Drug Enforcement Unit ti napagango a bulong ti marijuana a naipan iti ice bag ken marked money a 500 a pisos.
Basar iti PDEU, ni Ganal ket karaman iti maysa a drug group nga agop-operar ditoy Ilocos Norte, adda iti drug watchlist regional level ken nabyagen a masipsiputan ti garaw na.
Nupay kasta, inbatad ni Ganal a saan nga agus-usar wenno aglaklako ti iligal a droga.
Inakusaran na dagiti pulis a ginuyod da isuna ken ditoy a maipagarop a naipabulsa ti iligal a droga.
