LAOAG CITY – Nailungalong iti Sangguniang Panlalawigan ti Contingency Plan For Flood iti ili ti Pinili.
Segun ken ni Senior Board Member Dr. Medeldorf Gaoat, napintas daytoy nga addang ti LGU-Pinili tapno makasaganada da naimbag no adda ti sumangbay a didigra wenno kalamidad nangruna ket adda dagiti gundaway nga adda latta ti mapasamak a panagreggaay ti daga gapu iti napigsa a tudo ken layos.
Gapu iti daytoy, kunana a kasapulan ti naig-iget a panagsagana ken panagalerto para iti saan a mapakpakadaan a pasamak.
Kunana a naipaima di nailungalong a gakat iti Committee on Land and Natural Calamities para iti naan-anay a pannakaadal na tapno napinpintas ti pannakaiyimplementar na iti ili ti Pinili.
Inlawlawagna a babaen iti daytoy a gakat ket madeterminar a dagus dagiti pamilya nga agnaed iti narisgo a lugar kas ti masansan a makapasar ti layos tapno al-alisto ti panagresponde dagiti otoridad ken pannakaibakwit dagiti maseknan.
Innayonna a rumbeng laeng a maaprubaran ti nasao a gakat gapu ta pagsayaatan met laeng dagiti umili ken ti Lokal a Gobierno iti ili ti Pinili.
