LAOAG CITY – Inpakamamo ni Barangay Chairman Pablo Martin Jr, iti Brgy 33-A Lapaz ditoy siudad ti Laoag a dagus a nangipan da iti barikada kalpasan nga inbilin dagiti kameng ti DILG.
Daytoy ket kalpasan a nagpositibo iti COVID-19 ti maysa a fish dealer a ni IN-C785 ken residente iti nasao a barangay.
Kuna na a ti paggigiyanan ti maseknan ket maysa a garahe ken adayo kadagiti pagtaengan.
Inbatad ni Martin nga adda pay ti panagkedked dagiti maseknan a dumalan iti swab test ngem naallukoy met laeng.
Sumarono met iti pannakaiyuswat ti contact tracing iti nasao a lugar.
Pinalagipan ni Martin dagiti kabarangayan na a sumurot kadagiti pagalagadan kas iti panagsuot ti facemask, social distancing ken dadduma pay tapno maliklikan nga agwaras ti COVID-19.
Inpatalged na nga adayo met iti lugar ti maseknan a nagpositibo iti nakaangayan ti Pamulinawen ride iti nasao a barangay no sadino nga ado dagiti agiturturong ti motorsiklo ti nakipaset iti aktibidad.
