LAOAG CITY – Saanen a nakaporma ti volleyball team ti pagilian kalpasan nga inabak isuda ti Kazakh champion Zhetysu iti 2025 AVC Women’s Champions League.
Narigatan ti Creamline iti Kazakhs team a nakairekord ti iskor a 16-25, 17-25, 17-25 iti ay-ayam a naisayangkat iti Philsport Arena.
Indauloan iti panangabak ti Kazakh ni power winger Tatyana Nikitina.
Addan ti maysa a panangabak ken maysa a pannakaabak ti Creamline a ti sumaruno a makalabanna ti asinoman a mangabak iti laban ti Zhetysu nga addaan ti maysa a panangabak ken awan ti pannakaabakna ken ti Al Naser Club nga awan pay ti panangabakda ken maysa a pannakaabak.
