LAOAG CITY – Inrakurak ni Kabataan Party-List Representative Renee Co a posible a maapektaran ti kapaspas ti proseso ken ti interpretasion iti “forthwith” wenno insigida a panag-convene ti Senate Impeachment Court kagiddan ti panagbalbaliw ti liderato iti Senado.
Karaman iti posible nga agbalin a scenario ket ti pannakaitantan ti proceedings, panagbalbaliw iti taray ti panangusig ken ti agbalin a resulta ti panagbubutos dagiti senador.
Kabayatanna, pagam-amkan ti nasao nga agpanpanday linteg no posible pay kadi a maaddaan ti patas a panangusig gapu iti political alignment ti baro a majority iti Senado.
Nupay kasta, agtaltalinaed a sentro ti pagsasaritaan no matuloy ti napaspas ken naurnos nga impeachment trial wenno agtungpal iti pannakaitantan.
