LAOAG CITY – Inpakaammo ni Mrs. Perlita Cabello, mangidadaulo ti City Social Welfare and Development office ditoy siudad nga addan ti panagturong na iti Shamrock Elementary School gapu iti maipagarup a panangdunor dagiti agad-adal iti bagbagi da.
Kuna ni Cabello a basar iti nakalap na nga impormasyon manipod ii pagadalan, tinulad dagiti elementary pupils ti cutting challenge iti facebook.
Nu pay kasta, inbatad na a limitado pay laeng ti impormasyon da maipanggep iti nasao a pasamak gapu ta nagkedked pay laeng a mangipaay ti pagadalan iti ad-ado a detalye.
Kabayatanna, inpakaammo ni Mayor Michael Marcos Keon a nangipatulod kadagiti doctor iti Shamrock Elementary School ken dagitoy ti nangited ti anti-tetano kadagiti agad-adal.
Inbatad na a makaaalrama ti napasamak rason a masapol a maikkan ti naan-anay nga atensyon tapno saan a maisagmak dagiti ubbing.
Innayun na a nasken pay a mabantayan ti gawar dagitoy nangruna iti panagusar ti social media gapu ta makait-ited ti negatibo nga epekto.
