LAOAG CITY – Dinepensaran ti chief of staff ni Senador Jinggoy Estrada a ti naaramid a panangbakbak ken panangdalus iti opisina ti President Pro-Tempore iti 6th floor ti Senado ket standard practice laeng iti Senado.
Basar iti rakurak iti opisina ni Estrada, in-turn-over-da nga awan ramit wenno ‘bare’ ti dati nga opisina iti Senado ken ni Senate President Pro Tempore Vicente Sotto III kas paset ti “standard practice.”
Segun iti kampo ni Estrada, immunan a nagpakadada iti opisina ni Sotto sakbay ti deadline nga Oktubre 5, 2026 nga iyakarda iti baro nga opisina ni Estrada dagiti fixture, ramit ken materyales.
Kunada a kaadoan kadagitoy kas ti floor tiles, glass panels, lighting fixtures, cabinets ken dadduma pay ket nagatang usar ti personal a pondo ni Estrada gapu iti saan nga umdas a budget nga inpaay ti Senado para iti amin a gastos.
Innayonda pay nga idi tawen 2022 idi immuna a nai-turn-over kadakuada ti opisina, kunada nga “likewise bare” daytoy, maiyataday iti “long standing practice” ti Senado.
Inbatadda nga standard practice daytoy isu nga saan daytoy a nakaskasdaaw ken saan a masapul nga iyaramidan ti isyu.
Inpaganetget ti kampo nga iti uneg ti uppat a tawen, adda iti 6th floor ni Estrada ken extension office laeng iti 5th floor a nailatang para kenkuana, saan a kas ti dadduma nga senador nga adda intero nga opisina iti 5th floor.
