LAOAG CITY – Pinalubosan ti Sandiganbayan Fifth Division ti mosion ti prosekusion nga amyendaran ti criminal information tapno paawanan ti bisa ken ikkaten ni dati a Department of Public Works and Highways (DPWH) Secretary Manuel Bonoan kas co-accused kadagiti kaso a plunder ken graft a sangsangoen ni Senador Jinggoy Estrada.
Daytoy ket adda pakainaigan iti maipagarup nga anomalia ken kickback scheme kadagiti flood control projects.
Mainaig iti daytoy, immunan nga inbatad ni Ombudsman Jesus Crispin Remulla a kiddaw ti opisinada iti huwes nga i-drop dagiti kaso kontra ken ni Bonoan tapno opisial nga agbalin daytoy nga state witness para iti partido ti gobierno.
Kabayatanna, addo ti nangkontra iti daytoy.
Basar iti youth group a SPARK, rumbeng nga agakem ti amin a maseknan iti anomalia gapu ta kuarta ti umuli ti nasayang dagiti maseknan nga opisial.
