LAOAG CITY – Nangipila ti not guilty plea ni dati a Public Works Secetary Manuel Bonoan mainaig iti graft charge iti maipagarup a pannakikunabona iti panangiyalukar manipu iti national budget para iti flood control projects no sadinno a nakolektar dagiti kickback.
Agtaltalinaed ni Bonoan a kaduana nga akusado ni Senador Jinggoy Estrada kadagiti reklamo a maisagsagana iti Second Division ti Sandiganbayan kalpasan a nagkedkedanna ti tribunal idi Agosto ti mosionna a mangikkat kenkuana kas akusado.
Imbilin ti Sandiganbayan ti pannakawayawaya ni Bonoan kalpasan a naikkat daytoy a kas maysa kadagiti akusado iti kaso a plunder, a maysa a non-bailable offense.
Nawayawayaan ni Bonoan manipud iti pannakaibaludna iti ospital idi Biernes, Setiembre 4.
Nakabalud daytoy iti ospital manipud idi nangipaulog ti Sandiganbayan iti warrant of arrest kontra kenkuana idi Mayo 29 gapu iti nadumaduma a sakitna a pakairamanan ti problema iti puso.
