LAOAG CITY – Mangipaay ti City Social Wefare and Development Office ditoy siudad ti Laoag ti nasurok maysa milyon a pisos kas cash assistance kadagiti 293 a benepisiario ditoy siudad.
Makaawat dagiti 112 a senior citizen iti pakabuklan a gatad a 353 a ribu a pisos kas Milestone Award.
Maipaayan met dagiti 139 nga indibidual ti tulong manipod iti programa nga Assistance to Individuals to Crisis Situation nga agdagup ti 639 a ribu a pisos.
Malaksid iti daytoy, naammoan nga adda pay ti 42 a benepisiario iti Livelihood Assistance to Graduating and Exiting 4Ps family.
Ti nasao a programa ket babaen iti panangidaulo ni Mrs. Perlita Cabello, mangidadaulo iti nasao a pangopisinaan.
Kabayatanna, daytoy nga aktibidad ket maiyuswat inton bigat, Pebrero 8 ken manamnama ti pannakipaset dagiti kameng ti Sangguniang Panglungsod ditoy siudad ti Laoag.
