LAOAG CITY – Maragsakan ni Mrs. Perlita Cabello, mangidadaulo iti City Social Welfare and Development Office ditoy ciudad ti Laoag gapo makaad-adayon dagiti produkto nga aramid iti nagduduma nga asosasyon kangrunaanna kadagiti grupo ti babbai ditoy ciudad.
Kunana a maipannakel metten ti ciudad dagiti produkto da gapu iti kinalaing dagitoy nga agaramid kadagiti nagduduma a produkto a mabalin da a mapastrekan.
Inbatadna a kangrunaan dagiti ar-aramidenda ket ti banana chips, cassava, balatong ken dadduma pay .
Mainaig iti daytoy, kuna ni Cabello a babaen iti negosasion da iti Department of Trade and Industry, Mariano Marcos State University ken Department of Science and Technology ket ad-adda a pumintas pay dagiti produkto da.
Kabayatanna, kalikagom ni Cabello nga adda pay mapasayaat dagitoy babaen iti pannakikinmayet da kadagiti nagduduma nga ahensia tapno mapadur-as, makatulong ken adda agserbi kadakuada.
