LAOAG CITY – Naragsak nga inpakaammo ni Mayor Michael Marcos Keon a naan-anayen a na-renovate ti City Social Welfare and Development Office ditoy siudad ti Laoag.
Segun kenkuana, napintas gapu ta natarimaanen ti nasao a pangopisinaan nangruna ket idi pay laeng 2017 idi nadadael daytoy gubuay iti iduduprak ti maysa a bagyo.
Inbatadna a babaen iti daytoy ket nasaysayaat ti panagtrabaho dagiti maseknan nga empleado gapu iti naurnos ken nadalos nga opisina.
Mainaig iti daytoy, kuna ni Sangguniang Panlungsod Member Roger John Fariñas a nailatang ti pundo para iti pannnakapasayaat ti City Social Welfare and Development Office iti napalabas a tawen.
Inlawlawagna nga apaman a nalpas ti pannakatarimaan iti nadakamat nga opisina ket dagus met nga immakar dagiti empleado ken inplastarda dagiti ramitda.
