LAOAG CITY – Kinumpirmaran ni Civil Security Unit Chief Ernesto Sadian ditoy ciudad ti Laoag a kiniddaw ti City Social Welfare and Development Office dagiti Brgy. Tanod iti Barangay 48-A Cabungaan ditoy ciudad nga agbantay iti Bahay Pag-asa.
Daytoy ket sakbay iti panaglibas dagiti menor de edad nga adda ti Bahay Pag-asa.
Inbatad ni Sadian nga adda dagiti aldaw a maymaysa laeng iti agbanbantay a kameng ti CSU ditoy ciudad ti Laoag agsipod ta kunana a kabaelan paylaeng ti guwardiya nga agbantay.
Kabayatanna, kinumpirmaran ni Brgy. Chairwoman Marilyn Rescueuir iti Brgy. 48 A Cabungaan ditoy ciudad ti Laoag nagkiddaw iti tulong ti CWDO nga agbantay iti Bahay Pag-asa.
Kunana a rinugian dan ti agronronda ti rabii iti lugar ken kasarsarita da dagiti ubbing iti Bahay Pag-asa nga agsingsingpet dagitoy tapno makasubli da iti pamilyada nga addaan ti kapia iti panunotda.
Inbatad na nga agsisinnublat dagiti 12 nga opisyal ti barangay nga agbantay iti alas10 ti rabii agingga alas-3 ti parbangon tapno masigurado a saanen a makalibas dagiti ubbing iti Bahay Pag-asa.
Maipalagip a dagiti walo a menor de edad a naglibas iti Bahay-Pagasa ditoy ciudad ti Laoag sakbay ti pannakasarabo ti baro a tawen.
