LAOAG CITY – Naglippasen ti naisangsangayan a journey ti Curaçao iti FIFA World Cup kalpasan nga inabak isuda ti Ivory Coast iti score a 2-0 iti maudi a labanda iti Group E iti Philadelphia Stadium.
Gapu iti daytoy a pannakaabak, naikabil ti Curaçao iti kaudian a puesto ti Group E nga addaan ti maysa a puntos laeng manipud iti tallo a laban. Pormal daytoyen a naikkat iti koponan manipud iti torneo.
Indauloan iti grupo ti Germany nga addaan ti innem a puntos, sinaruno ti Ivory Coast nga addaan ti innem met puntos. Maikatlo ti Ecuador nga addaan ti uppat a puntos idinto nga adda iti maikapat a puesto ti Curaçao.
Kasapulan ti Curaçao a mangabak kontra iti Ivory Coast tapno maaddaan ti gundaway a makastrek iti Round of 32.
Naammoan nga idi maabak ti Curaçao ken abaken met ti Ecuador ti Germany iti score a 2-1, iti maysa pay a laban iti grupo, awan pay ti nabatbati a namnama para iti Curaçao tapno makastrek iti sumaruno a round.
