LAOAG CITY – Nakastreken iti semifinals ti FIFA World Cup ti France kalpasan nga inabak ti Morocco iti score a 2-0 iti quarterfinal match a naisayangkat iti Boston Stadium.
Naglippas nga awan ti score ti umuna a gudua ti laban iti baet ti naiget a dominasion ti France.
Sumagmamano a daras a binantayanda ti depensa ti Morocco ngem napaay a makabirok ti goal pakairamanan ti saan a naiserrek a penalty kick ni Kylian Mbappe iti maika-28 a minuto.
Nagtalinaed a natibker ti depensa ti Morocco iti umuna nga 45 a minuto ken nakagiddan iti naiget nga opensiba dagiti Pranses.
Ginandatda a makaaramid ti gundaway iti babaen ti free kick ni Achraf Hakimi sakbay a nalpas ti first half.
Iti panagserrek ti maikadua a tukad, naan-anay a naburak ti France ti depensa ti Morocco idi maiserrek ni Mbappe ti umuna a goal iti maika-60 a minuto manipud iti panangipasa ni Desire Doue.
Naammoan a daytoy ti maikawalo a goal ni Mbappe iti torneo.
