LAOAG CITY – Inadmitir ti contractor a ni Pacifico “Curlee” Discaya II iti panagdengeg ti House Infrastructure Committee nga adda ti nagkiddaw kadakuada ti kickback iti napalabas a Duterte administration ngem saan da nga immanugot gapo ta saan da unay pay unay idi nga istrikto
Inbatad na a saan a kas ita iti babaen ti agdama nga administrayon nga istrikto a maipatpatungpal ti three-strike policy a no mamitlo a daras a nadiskwalipikar ti kontratista ket awtomatiko a maipan iti blacklist.
Segun kenkuana, ipadpadyaryo da pay idi ti agkidkiddaw kadakuada nga isu ti kwinestyunaran ni Batangas 2nd district Rep. Gerville” Jinky” Luistro no apay a saan na nga inaramid daytoy iti agdama nga administrasyon.
Kwinestyunaran pay ti agpanpanday linteg no apay a saan nga inraman ni Discaya daytoy iti affidavit na nga insubmitir na iti Senate blue ribbon committee idi Lunes, Setyembre 8.
Iti nasao nga affidavit, innaganan ni Discaya dagiti sumagmamano a kongresista ken opisyal ti Department of Public Works and Highways (DPWH) iti babaen ti administrasyon a nabenipisyaran iti proyekto dagiti siyam a kompanya na.
Malaksid iti daytoy, kwinestyunaran pay ni Rep. Luistro ti dakkel a napastrek ti construction firms ni Discaya idi napalabas nga administrasyon sipud 2016 agingga iti 2022 no ikumpara iti agdama nga administrasyon.
Inpetteng ni Luistro nga idi administrasyon Duterte, tiSt. Gerrard Construction a kukua ti Discaya ti top contractor a nakaibulsa ti P12 billion a balor ti kontrata iti DPWH iti uneg ti maysa ket kagudwa a tawen basar iti naipresentar a report manipud iti Philippine Center for Investigative Journalism (PCIJ).
Nupay kasta, naglikudan daytoy ni Discaya ken inpetteng na a sabali daytoy iti indeklara da a financial statement nge, kinontra ni Luistro daytoy no apay nga arig na ket adda ti selective amnesia ni Curlee Discaya.
