LAOAG CITY – Ad-adalen ti Department of Agriculture (DA) ti panagusar ti pundo manipud iti Quick Response Fund tapno makagatang ti abono.
Inadmitir ti Department of Agriculture a ngimmato ti presio ti abono kabayatan nga umas-asideg ti wet season.
Inbatad ni Department of Agriculture Assistant Secretary Arnel De Mesa, sakbay ti gubat iti Ukraine ket umabot iti P1,500 laeng ti urea ken complete fertilizer ngem ita ket umab-abot daytoy iti P2,500 agingga iti P2,800 ti presio.
Mainaig iti daytoy, apagapaman a ngimmato ti presio ti bagas ti P3 agingga iti P5 ngem inpasigurado ni De Mesa nga agtaltalinaed nga stable met ti suplay gapu ta sumurok 80% ti bagas ti pagilian ket maim-import.
Kabayatanna, inpasigurado ti Department of Agriculture nga agtultuloy nga imonmonitorda ti presio ken iyur-urnos dagiti addang tapno mapagtalinaed a nalaka ti agrikultura ken masigurado ti food security iti pagilian.
