LAOAG CITY – Segun ken ni Department of Agriculture Undersecretary Cheryl Marie Natividad-Caballero, dakkel ti potensyal ti garlic production ditoy Pilipinas.
Inyarig ni Caballero ti Ilocos garlic no sadinno a paggugusto dagiti sabali a pagilyan iti laksid a babassit ti size na daytoy.
Innayon ti opisyal a mannarimaan ti panagplano da seknan kadagiti programa ti ahensya tapno masuportaran ken mapreserba ti garlic heritage ti Probinsya ti Ilocos a maibilang kas ‘Ilocos white gold’.
Basar iti datos ti Philippine Statistics Authority(PSA), ti garlic production ditoy pagilyan ket umabot iti 2.6% laeng para iti tinawen a demand na a 146,879 metriko tonelada no sadinno a dagiti probinsya ti Ilocos Norte, Nueva Ecija, ken Batanes ti kangrunaan a prodyuser.
Binilin pay ni Caballero ni Agriculture Sec. Francisco Tiu Laurel Jr., dagiti regional offices t Department of Agriculture iti Northern Luzon, nangruna iti Cagayan Valley a gumatang kadagiti planting materials ti Ilocos garlic ken imula dagitoy intun bulan ti Setyembre.
Kabayatanna target ti ahensya a mapangato ti produksyon ti bawang iti intero a pagilian tapno maabot ti 20% a domestic production inton umay a tawen.
