LAOAG CITY – Inaprubaranen ti Department of Agriculture ti panag-export ti agarop 100,000 a metriko tonelada nga asukar iti Estados Unidos.
Segun iti Department of Agriculture, ti nasao nga addang ket makatulong tapno makissayan ti agsobsobra a suplay ti asukar iti pagilian.
Kuna ti ahensya a makatulong daytoy iti panagngato ti
farmgate price dagiti asukar.
Iti naudi a panagapit ket adda ti panagngato a 130,000 a tonelada ti asukar manipod iti lokal a mannalon.
Inlawlawag ni Agriculture Secretary Francisco Tiu Laurel a ti i-export ti pagilian a raw sugar ket iti babaen ti US quota system no sadinno a daytoy ket nangatngato no ikompara iti level ti world market.
