LAOAG CITY – Inpetteng ti Department of Agriculture (DA) iti Philippine Ports Authority (PPA) nga ipangpangrunana nga iruar dagiti bagas nga adda kadagiti container van a naglaon kadagiti imported rice.
Ti rakurak ket inaramid ni Agriculture Secretary Francisco Tiu Laurel Jr. idi naammoanna nga adda dagiti rice traders ti saan a dagus nga al-alaen dagiti naangkat a bagas ken ibaybayagda iti uneg kadagiti shipping yards gapu ta agur-urayda pay laeng a ngumato ti presio ti bagas iti merkado publiko.
Immunan nga inpadamag ti Philippine Ports Authority nga adda ti 888 a shipping vans a naglaon ti agarup 20 a milyon a kilograms ti bagas ti agdama nga adda iti container yards iti Port of Manila nga agmakabulanen.
