LAOAG CITY – Plano a makitaripnong ti Department of Agriculture (DA) iti Department of Public Works and Highways (DPWH).
Daytoy ket tapno maipasigurado a maaddaan ti napintas a pagdalyasatan dagiti agricultural products.
Basar iti Department of Agriculture, no napintas ti pagdalyasatan ken awan ti aniaman nga aberya iti kalsada ket saan a makaapektar daytoy iti presio kadagiti agricultural products.
Ti nasao a taripnong ket tapno maammoan dagiti lugar no sadinno nga adda dagiti maar-aramid a kalsada tapno saan nga insigida a madadael dagiti produkto ken napaspas a makasangpet dagitoy kadagiti tiendaan.
Maipalagip a dagiti sumagmamano a reklamo dagiti negosiante no apay a ngumatngato ti presio dagiti agricultural products ket gapu kadagiti perdi a kalsada a mangitunda ti panaglikos kadagiti delivery trucks-da.
