LAOAG CITY – Plano ti Department of Agriculture nga ipatungpal ti maximum a suggested retail price kadagiti karne ti baboy inton bulan ti Marso gapu iti agtultuloy a ngumatngato a panagngato ti presio dagitoy.
Inbatad ni Agriculture Spokesperson Assistant Secretary Arnel de Mesa, maipinal ti panagsasarita dagiti stakeholders ita a lawas para iti pannakaipatungpal ti Suggested Retail Price inton bulan.
Inlawlawagna nga uray awan pay ti presio no sagmamano ngem mabalin a nababbaba pay iti P400 iti kada kilo.
Kunana a no bilang P250 ti farmgate price ket mabalin a nayonan ti P100 ken agbalin a P380 daytoy isu a nainkalintegan a presio.
Maipalagip nga immunan a nangipatungpal ti Department of Agriculture ti maximum Suggested Retail Price kadagiti bagas para iti panagbaba ti presio iti kada kilo ti bagas.
