LAOAG CITY – Naiget a seguridad ti ipatpatungpal ti militar ken PNP kadagiti dadduma a lugar idiay Sulu kalpasan ti panagbettak iti Brgy. Walled City, iti ili ti Jolo.
Daytoy ti inpasingked ni Lt. Col. Ronald Mateo, civil military relations officer iti 11th infantry division.
Kuna na a maysa a batalyon ti soldado ti nakabantay idiay Jolo idinto nga adda dagti naidelpoy kadagiti natao a lugar.
Kabayatanna, naipan dagiti bangkay dagiti pimmusay a soldado ken sibilyan kadagiti residensya da idinto a dagiti nasugatan ket naitaray kadagiti ospital iti ciudad ti Zamboanga ken dagiti dadduma ket iti ospital ti Joint Task Force Sulu.
