LAOAG CITY – Naragsak ni Daniel Padilla a simmangpet iti animal shelter idiay Pampanga.
Daytoy ket kabayatan ti pannakaselebrar ti maika-29 a birthday-na ngem saanna a kayat nga i-post wenno ipa-cover iti media.
Adda dagiti sumagmamano a pagayamna a journalist ti simmurot kadagiti grupo ti solid fans ti aktor ngem nagkedked daytoy nga agpa-interview.
Naragsak dagiti mangimatmaton iti animal shelter iti Arayat, Pampanga gapu ta barbaro pay laeng dagitoy ken manarimaan pay laeng a maiplasplastar ti pakaikabilan dagiti aso ken pusa.
Sumagmamano a sako ti dog ken cat food ti intugot ni Daniel, dagiti agas, treats ken nangayab isuna kadagiti veterinarian tapno ma-check dagiti ayup.
Pinakan ni Daniel dagiti ayup ken dinigusna pay dagitoy.
Kabayatanna, napalaos ti ragsak dagiti fans ni Daniel gapu ta mismo pay ti aktor ti mangala kadagiti ladawan.
