LAOAG CITY – Napadayawan ti Departmet of Agrarian Reform (DAR) ditoy probinsya kas 2018 Top Performers bayat ti naiyuswat a 2018 year-end Summative Assessment ken 2019 Planning Conference a naangay idiay Iloilo City.
Segun kenni Mr. Vic Ines, ti Dept. of Agrarian Reform Program Officer II, iti representasyon ti quasi judicial cases ket Top 1 ti legal services division ti DAR-Ilocos Norte.
Maipalagip nga itay napan a tawen ket 100 a porsiento nga inpresentar ti DAR-Ilocos Norte dagiti mannalon iti judication board.
Innayon ni Ines a Top 2 pay iti DAR-Organization Development and Strengthening of Agrarian Reform Beneficiaries Organization (ARBO) a nagipaay ti technical, farm support, physical and infrastructure support ken number of Agrarian beneficiaries trained.
Inbatad ni Ines a nagun-od dagitoy a pammadayaw gapo ti panagtitinnulong dagiti nagduduma a division ti DAR-Ilocos Norte.
